Ci sont li congiet jehan Boudel Darras Pitiez ou ma matere puise Menseigne q(ue) ie me deduise Q(u)e ie soz ma matere die Nest drois que mon sens amenuise Por nul mal q(ue) lecors destruise Dont diex a fait sa conmandie Puis q(u'i)l ma joue deboidie Sans barat & sans t(ri)cherie Cest dis que ie chascu(n) ruisse Tel don que nus ne mescondie Congie ains quil meme contredie Car a des criein q(ue) ie lor nuise

Congie demant tout premerain a celui qui plus mest amain & dont ie plus loer me doi Jehan boquet adieu remain Souuent recort et soir et main Les biens que iai trouez en toy Se ie pleur souuent en reqoy Assez ia raison pourquoy Auq(ue)s anuit & plus demain Nep(or)quant se ie ne uos uoi Mon cuer premerain uos enuoi Tant a en moi remes desain

Cuers se tu trop uilains nies ja ne li oncles : ne li nies Nierent de mon esc(ri)t plane Car en aus est mes liges fies Onq(ue)s ne lor sambloie nies Touz tors mont a lor coust mene Certes ne sont mie engane P(or) dieu soit qu(oi)quil mont don(n)e Tex dons est m(u)lt bien emploies Or ma diex a point Ramene A ce quil mauoit destine Dont ie sui & ioians & lies

Symon dysier de uous me vant Touz iours & apres et auant Q(ue) toute honors en uous adjieue?? Mainte gent sen uont perceuant La baniere a non passe avant Q(ui) touz les abatus relieue Symons .i. max q(ui) en moi lieue Q(ui) atout mo(n) viuant mefieue Me fait que congie uos demant Si dolans que li cuers me c'eue Mais nule rien tant ne me g'eue Co fait dire a dieu uos conmant

Congiet demant a cuer marri A cex q(u)i mont souef nourri Et a Bauduin Zetemont Ains ne le trouai esmari Le cuer a en bonte flouri Q(ui) de bien faire le semont Diex c(ro)isse son bien & amont Amer ce fait a tout lemont A lame li soit il meri En la ioie des ciex amont & touz cex q(ui) tant soffert mont Moitie sain et moitie porri

Tiebaut de la pierre en ces uers Menuois & honteus & couuers Com cil qui fortune desmonte Tant mest mais li siecles diu(er)s Q(ue) nos aler fors les trauers Nule pourete ne maffronte Mais la penitance est tel honte Q(e) seus est ? et descouuers Cil diex q(ui) toute riens sormonte A penitance le me conte Car trop aroie en .ii. enfers

Bretel quel gre que ie en aie Me couient que ie me retraie Dou siecle ou ma creance empire Q(e) diex reposer ne mi laie